(បាងកក) : ថ្មីៗនេះក្រុមហ៊ុនកសិពាណិជ្ជកម្មដ៏ធំរបស់ថៃដែលហៅកាត់ថា CP Foods បានបិទទ្វាររោងចក្រមួយរបស់ខ្លួនអស់រយៈពេល៥ថ្ងៃមកហើយក្រោយរកឃើញថាមានកម្មករជាច្រើននាក់បានធ្វើតេស្តវិជ្ជមានចំពោះជំងឺកូវីដ-១៩។

ក្រុមហ៊ុនបាននិយាយក្នុងសេចក្តីថ្លែងការណ៍មួយថា រោងចក្រកែច្នៃសាច់មាន់របស់ក្រុមហ៊ុនខ្លួននៅក្នុងខេត្ត Saraburi ត្រូវបិទទ្វារចាប់ពីថ្ងៃអាទិត្យនេះរហូតដល់ថ្ងៃព្រហស្បតិ៍ ចំណែករោងចក្រកែច្នៃចំណីអាហាររចំនួន១៨កន្លែងផ្សេងទៀតនៅតែដំណើរការជាធម្មតានៅឡើយទេ។

រដ្ឋបាលខេត្ត Saraburi បានអោយដឹងថាក្នុងចំណោមកម្មករចំនួន៥,៨០០នាក់នៅក្នុងរោងចក្របិទទ្វារនោះមាន២៤៥នាក់បានធ្វើតេស្តវិជ្ជមាន ខណៈពេលដែលកម្មករផ្សេងទៀតកំពុងរងចាំការធ្វើតេស្តនិងទទួលលទ្ធផល។

^{ប្រភព : Reuters}